Digwyddiad Stiwdios Agored mwyaf Gogledd Cymru

Mae fy hanes teuluol ac atgofion plentyndod yn chwarae rôl hanfodol yn fy ngwaith.Mae pob casgliad wedi'i ysbrydoli gan un atgof penodol.Pan gaiff f'atgofion eu cyfuno â thechnegau gwneud gemwaith traddodiadol a modern, mae hyn yn arwain at gasgliadau unigryw sy'n ail-greu cyfnodau yn fy mywyd.

Rwy'n ddylunydd a chrefftwr gemwaith. Mae gennyf stiwdio ar hyn o bryd ym Mharc Glyn-llifon ger Caernarfon ond o fis Gorffennaf ymlaen byddaf yn gwerthu fy nwyddau o oriel fechan ar gyfer gemwaith cyfoes ym Miwmares. Mae gennyf radd mewn dylunio tri dimensiwn o Brifysgol Loughborough lle roeddwn i'n arbenigo mewn gemwaith a chrefft arian. Dw i'n cymryd rhan yn rheolaidd mewn arddangosfeydd a byddaf yn cynnal fy arddangosfa unigol gyntaf yn Oriel Ynys Môn, Llangefni, yn 2012. Dw i'n edrych ymlaen at dderbyn fy ngwahoddiad i gymryd rhan yn MADE 2011 ym Mharc Cerfluniau Swydd Efrog a fydd yn dechrau ym mis Hydref. Mae gen i ddau gasgliad o emwaith, a phrisiau'n dechrau tua'r £25.

Atgofion a phrofiadau teulu a ffrindiau, fel arfer, pethau sy'n aros yn fy meddwl neu sy'n fy niddori.

Arian, mae'n debyg, ond dw i wrth fy modd â chopr hefyd.

Dw i wastad wedi mwynhau arlunio, peintio a chreu. Dw i'n cofio gwneud hetiau Pasg yn yr ysgol feithrin a defnyddio fy set speirograff - bydd hwnnw'n destun casgliad newydd o waith yn nes ymlaen yn y flwyddyn.

Byddai'n braf gallu troi unrhyw beth a phopeth yn arian, does yna fyth ddigon ar gael!

Dangos darn comisiwn i gleient am y tro cyntaf - er fy mod wedi gwneud ar nifer fawr o achlysuron erbyn hyn, dw i'n dal i deimlo'n nerfus.

Anni Albers. Byddwn i wrth fy modd yn clywed sut brofiad oedd bod yn y Bauhaus a bod yn artist benywaidd ar y pryd.

Ted Noten. Mae ei waith yn croesi'r ffin rhwng celfyddyd gain a chrefft gyfoes; mae ei ddarnau yn hollol boncyrs ond dw i wrth fy modd â nhw.

'For the love of God' - Damien Hirst
'Portrait of Eleonora of Toledo as a Young Woman' - Bronzino
Pelagos - Barbara Hepworth
'The man in the bowler hat' - René Magritte

Tracey Emin, Andy Warhol, Salvador Dali, Ted Noten, Barbara Hepworth, Pablo Picasso - dw i ddim yn siŵr a fyddai hwnnw'n gyfuniad delfrydol ond byddai'n sicr yn ddiddorol

Dringo i'r gwely ar ddiwrnod gwlyb â photel o win gwyn, bar o siocled a naill ai llyfr da neu ffilm.

Yn gwerthu fy ngemwaith yn Tiffany's?! Alla' i 'mond gobeithio!

Fe ddewch chi trwy gatiau anhygoel a mawreddog Glyn-llifon, a cherdded o'r maes parcio trwy'r coed at yr oriel a'r caffi - gallwch gyrraedd fy ngweithdy i trwy gefn yr oriel. Fe ddewch chi'n gyntaf at fy oriel, lle mae fy holl gemwaith yn cael ei ddangos - gallwch brynu darn os hoffech chi! Yna byddwch yn mynd i mewn i'r ail ystafell, lle dw i'n dysgu dosbarthiadau gwneud gemwaith. Mae yno fwrdd mawr hir yn llawn o wifrau a gleiniau ac offer. Mae fy gweithdy y tu ôl i'r rhaniad nesaf - mae'n siŵr y bydd sŵn morthwylio i'w glywed yno! Dewch i mewn, da chi, i ddweud helô. Mae blaen y gweithdy yn arwain i mewn i'r iard lle mae stiwdios yr artistiaid eraill - gallwch ymweld â'r rhain hefyd os hoffech chi.

Mae'n fawr, ac yn bwysicach na hynny, mae e yng nghanol Parc godidog Glynllifon.

Ann Catrin Evans - cerflunydd,
Dave Stephen - gwaith â llechi,
Alma Schofield - gwaith ffelt,
Sioned Rowlands - dylunydd â blodau,
Wini Jones-Lewis - artist.
Mae gan y rhain i gyd stiwdios yn y buarth

Mae Caffi'r Black Cat yn y parc a thafarn hyfryd Ty'n Llan dros y ffordd ym mhentref Llandwrog.

Ewch i mewn i'r parc, da chi, mae'n anhygoel; mae milltiroedd o lwybrau yno sy'n arwain trwy'r gerddi gwyllt hanesyddol